Lovestruck, the Sir G Edition – Usapang Boys at Flowers

Anong koneksyon ng boys at flowers?

PAKI-EXPLAIN. LABYU.

Noong Sabado (January 24, 2014), umattend ang mga college students ng Lovestruck: Sexy Edition seminar sa pangunguna ni Pastor Ronald Molmisa. Ito ay proyekto ng University Student Government at ginanap sa Salakot Chapel. Napaganda ang diretso at prangkahang pagtatalakay ni Pastor Molmisa tungkol sa isyu ng sex sa mga kabataan. Bukod sa sense of humor ay solid at biblikal ang kanyang itinuro. Sana marami pang kabataan ang makabasa ng mga librong Lovestruck (tatlong edition na yata ang meron) at maka-attend sa mga seminar tulad nito. Libu-libo na ang naabot ng ministry na ito. Samantalang ito, hindi man lamang mag-trending. Kunsabagay, di ko naman intensyon na makipagkumpitensya kaninuman. Medyo “academic” ang dating ng mga articles ko at siguro ang mga makikinabang ay ang mga teacher at mga estudyante. Sana makita nila na ang pag-aaral ng literature ay di lang tungkol sa mga bagay sa nakaraan. Ipinapakita sa literature na ang mga bagay na nagyayari noon ay nangyayari pa rin ngayon.

Na-explain ko na. Labyu.

 

Usapang Boys at Flowers

 

Noong 2005, sumabog ang “F4 Fever” dito sa Pilipinas sa pagdating ng Taiwanese TV series na “Meteor Garden” (at ito nagpasimula ng pagdagsa ng mga “Koreanovelas” na ramdam pa rin hanggang ngayon). Ito ay nanggaling sa Japanese TV series na “Hana Yori Dango” at ni-adapt din sa Korea bilang “Boys Over Flowers” (na pawang pinalabas dito sa Pilipinas). Ito ay kwento ng apat na anak-mayaman na tinatawag ang sarili nila na “Flower Four” (F4). Wala silang ginawa kundi apihin ang kanilang mga kapwa estudyante. Minsan ay pumasok sa school nila si San Cai (Barbie Hsu), isang anak-mahirap kaya ginawa nila siyang target ng pang-aapi. Ngunit lumaban sa kanila si San Cai at sa huli ay nagkaibigan sila na lider ng F4 na si Dao Ming Si (Jerry Yan). (Ang palayaw niya ay “Asi”, pero di si Taulava. Taga-Tonga ‘yun.)

 

Sinong di makakalimot sa mga kantang ito?

"Qing Fei De Yi" (Meteor Garden opening theme)
by Harlem Yu
 

 

"Ni Yao De Ai"

by Penny Tai
 

 

 

 "Liu Xing Yu" (Meteor Rain)
by F4
 

Di n'yo maintindihan? Ako rin eh.

Dito sa Pilipinas, di natin ina-associate ang lalaki sa mga flowers kasi ina-associate natin iyon sa mga babae. (Kaya siguro marami sa guys ang hindi makapanligaw dahl nahihiya silang bumili ng flower at tumayo sa harap ng opisina ng babae na may dala-dalang boquet…at pinagtitinginan ng mga tao.) Pero mukhang sa Japan, China, at Korea, ina-associate yun sa mga lalaki. Sabi ng estudyante kong Koreano na si Kevin, “They are called F4 because they are beautiful”. Sa tono ng boses niya, ang ibig sabihin ng “beautiful” ay ‘handsome’ at hindi ‘bading’.
 

Sa Greek mythology, may tatlong kwento na tinatawag na “Flower Myths” tungkol sa pinagmulan at pangalan ng mga flowers. At nakakagulat na ang lahat ng kwento na ito tungkol sa mga lalaki at lahat sila naging flower.
 

* * *

“Ang gwapu-gwapo ko talaga! Grabeh!”

May mga magagandang lalaki (kitams? may term na ganun) na kasawian ng mga babae. Sila ang mga tipo na walang mahal kundi ang kanilang mga sarili. Dahil dito, marami silang naiiwang mga wasak na puso. Ang tawag sa mga ganitong tao ay "narcissistic".

 

Si Narcissus ay isang binata na kinahuhumalingan ng mga kababaihan. Ngunit lahat sila ay di niya pinapansin. Isa sa mga umibig sa kanya ay ang isang diwata na ang pangalan ay Echo. Ngunit wala man lamang siya sa radar ni Narcissus.(Ka-relate kayo, girls?) Kaya walang nagawa si Echo kundi magtago sa mga ilang na lugar tulad ng mga kweba hanggang siya ay naging alingawngaw. (“Ah, dun pala galing yun….”)

 

Ipinaghiganti siya ni Nemesis, ang diyosa ng paghihiganti. Walang mahal si Narcissus kundi ang kanyang sarili. Siya yung tipo ng lalaki na nag-ii-spend ng isang oras sa harap ng salamin sa CR na iniisa-isa ang ayos ng kanyang buhok gamit ang hair wax…at pagkatapos ay guguluhin at aayusin muli. (Facepalm!) Minsan ay nakita niya ang kanyang reflection sa isang pool ng tubig at na-in love siya sa kanyang sarili. Sa sobrang in-love niya sa reflection niya, ayaw na niyang iwan ang pool hanggang siya ay namatay. Ililibing sana siya ng mga diwata ngunit siya ay naging isa nang bulaklak.

 

* * *

Bizarre love triangle
 

Noong ako ay isa pang walang muwang na freshman sa isang school na pang-mayaman, merong isang higher year na ka-course ko ang tumulong sa akin. Siya si Ate Hyacinth. Maganda si Ate Hyacinth, tulad ng pangalan niya. Di ko akalain na kakausap ng isang mahirap at baduy na nerd tulad ko. Sa Mythology pala, ang Hyacinth ay pangalan ng lalaki.

 

Pero bago ang lahat, babala muna:

ANG SUSUNOD NA PALABAS AY RATED S.P.G.:

MAY MGA EKSENANG HORROR, SEKSWAL, KARAHASAN, AT DROGA NA DI ANGKOP SA MGA BATANG MAMBABASA. STRIKTONG PATNUBAY NG GURO AY KAILANGAN.

Si Hyacinth ay lover ni Apollo, ang diyos na araw. Yup, you read that right. As in “sila”. Pero di tulad ng “My Husband’s Lover”. Sa ancient Greece kasi pina-practice ang ‘pederasty’, ang relasyong sekswal sa pagitan ng isang lalaki at ng isang binatilyo. (Eww.) Considered ‘normal’ ito sa Greece noon. Ngunit ang isang nagseselos sa relasyon nila ay si Zephyr, ang West Wind (at isa ring lalaki). (So love triangle ito ng tatlong lalaki, eww, eww.) Isang araw habang naglalaro ng discus (parang Frisbee™ pero mas malaki at gawa sa brass) sina Apollo at Hyacinth, “aksidenteng” hinangin ni Zephyr ang discus upang tamaan si Hyacinth sa ulo. Nang mamatay si Hyacinth, ginawa siya ni Apollo na maging isang flower.

And for the record, ang relasyon ng isang lalaki sa isang kapwa lalaki ay kailanman na di ni-consider na ‘normal’ sa Roma, ang susunod na sibilisasyon sa Greece. Noong masakop ng Roma ang Greece, ni-adopt nito ang maraming bagay sa Greece (tulad ng Mythology at ang konsepto ng demokasya) pero kahit kalian di ni-adapt ng mga Romano ang pederasty ng mga taga-Greece. Kinamumuhian iyon ng mga taga-Roma.

And for the record din, kahit kailan di ni-consider ang relasyon ng dalawang lalaki na ‘normal’ sa Biblia. Sinasabi ng ibang “scholar” di umano na kaya ganoon ang Biblia kasi iyon raw ang kultura noong unang panahon. Ngunit dahil hindi na raw ganoon ang kultura ngayon at sa may mga “scientific studies” (kuno) na “nagpapatunay” di umano na ang pagiging homosexual ay nasa genes. Kaya di na raw applicable ngayon ang pagbabawal ng Biblia sa homosexuality. Mayroon ding ilang mga “scholar” di umano  na nagsasabing may mga same-sex relationships daw di umano sa Biblia.

Ayokong maglista dito ng mga verses kung saan tinatawag na kasalanan ng Biblia ang homosexuality. Pa-isa lang:

Hindi ba ninyo alam na ang mga makasalanan ay walang bahagi sa kaharian ng Diyos? Huwag ninyong dayain ang inyong sarili! Ang mga nakikiapid, sumasamba sa diyus-diyosan, nangangalunya, nakikipagtalik sa kapwa lalaki o kapwa babae, nagnanakaw, sakim, naglalasing, nanlalait ng kapwa, o nandaraya, ay walang bahagi sa kaharian ng Diyos. (I Corinto 6:9-10)

Malinaw na sa Biblia na ang homosexuality kasama ng ibang mga kasalanan ay kasalanan. Kung ang Biblia talaga ang Salita ng Diyos, hindi ito pwedeng baguhin ng kultura at ng di umanong mga “scientific studies”. Amen? (Amen!)

* * *

“Sugar mommy” at “Boy toy”

Sa English, ang isang lalaki ay tinatawag na “Adonis” kapag siya ay bata, gwapo at matipuno. Sa Mythology, simula nang ipanganak si Adonis, siya ay inibig na ni Aphrodite, ang diyosa ng pag-ibig at kagandahan. Pinaalagaan niya ang batang si Adonis kay Persephone, ang asawa ni Hades, ang diyos ng kamatayan. Ngunit inibig din ni Persephone si Adonis, at pinag-agawan siya ng dalawang diyosa. (Ikaw nah!) Sa medaling salita, si Adonis ay naging isang “boy toy”. Kaya nag-referee sa kanila si Zeus: fifty-fifty daw sila. Six months si Adonis kay Aphrodite at six months din kay Persephone. (O parang: “M-W-F ako sa kanya at T-TH-S ako sa dun sa isa. Pag Sunday, pahinga.”) Minsan, dinala ni Aphrodite si Adonis mag-hunting kasi gusto ni Adonis mag-hunting. (Alam n’yo naman ang mga “sugar mommy”, kung ano ang gusto ni boyfriend, yun ang ibibigay.) Ngunit si Adonis ay napatay ng isang baboy-ramo. At tulad ng nakagawian, siya ay naging isang flower.

Anong matututunan natin dito? “Ang tunay na guy/chicks, naglalaro ng gadgets, hindi ng damdamins.”